ܩܡܫܠܝ
ܡܢ ܘܝܩܝܦܕܝܐ
- ܩܡܫܠܝ ܐܘ ܒܝܬ ܙܐܠܝܢ
ܗܝ ܡܕܝܢܬܐ ܒܐܬܪܐ ܕܣܘܪܝܐ. ܆ ܘ ܢܦܠܐ ܒܓܪܒܝ ܡܕܢܚ ܩܘܛܢܝܘܬܐ ܕ ܣܘܪܝܐ ܥܠ ܬܚܘܡܐ ܕ ܢܨܝܒܝܢ ܒܐܬܪܐ ܕ ܬܘܪܟܝܐ ܆ ܘܐܝܬܝܗ̊ ܝܘܡܢܐ ܒܗܘܦܪܟܝܐ ܕ ܚܣܟܗ. ܘ ܡܬܩܪܝܐ ܩܡܫܠܝ ܬܘܒ ܫܡܐ ܕ (ܙܰܠܝܢ ܐܘ ܒܝܬ ܙܠܝܢ) ܒܠܫܢܐ ܣܘܪܝܝܐ ܆ ܘܬܘܒ ܡܬܟܢܝܐ ܒܫܡܐ ܕ (ܢܨܝܒܝܢ ܚܕܬܐ).
ܐܝܬ̥ ܠܗ̊ ܡܢܝܢܐ ܕ200.000 ܒܢܝ ܢܫܐ. ܒܬܪ ܩܛܠܥܡܐ ܣܘܪܝܐ ܕܫܢܬ 1915 - 1919 ܡ ܆ ܟܕ ܣܘܓܐܐ ܕܣܘܪ̈ܝܝܐ ܥܪܩ ܡܢ ܫܘܠܛܢܘܬ̥ܐ ܕܬܘܪܟܝܐ ܕܫܥܡܪܰܬ̥ ܐܬ̥ܪܐ ܕܛܘܪ ܥܒܕܝܢ ܘ ܡܕܝܕ ܘ ܡܪܕܝܢ ܘܕܝܐܪܒܟܪ (ܐܡܝܕ) ܘ ܒܝܬ ܙܒܕܝ ( ܐܙܟ ) ܘ ܥܝܢܘܪܕܐ ܘ ܟܦܫܢܐ ܘ ܡܝܕܢ ܘ ܒܣܒܪܝܢܐ ܘ ܚܝܕܠ ܘ ܐܪܒܐ ܘ ܚܐܚ ܘܣܛܪ... ܕܐܝܬܝܗܘܢ ܗ̱ܘܘ ܐܬ̥ܪܘ̈ܬ̥ܐ ܣܘܪ̈ܝܝܬ̥ܐ (ܕ ܣܘܪܝܐ) ܐܬ̥ܘ ܗܠܝܢ ܣܘܪ̈ܝܝܐ ܒܬ̥ܪ ܢܓ̈ܕܐ ܡܪܝܪ̈ܐ ܘܫܬܐܣܘ̱ ܠܡܕܝܢ̱ܬܐ ܕܒܝܬ ܙܠܝܢ (ܟܠܬܐ ܕܒܝܬ ܢܗܪܝܢ) ܘ ܕܝܪܝܟ (ܡܐܠܟܝܗ) ܘ ܩܒܪ̈ܐ ܚܘܪ̈ܐ (ܩܚܛܐܢܝܗ) ܘ ܚܣܟܗ ܘ ܫܪܟܐ ܕ ܡܕܝܢ̈ܬܐ ܕܓܙܪܬܐ܀
- ܩܡܫܠܝ ܒܕܪܐ ܕܥܣܪܝܢ
ܘܡܢ ܡܨܝܐ ܠܗ ܕܢܡܠܠ ܥܠ ܡܕܝܢܬ ܓܢܒܪ̈ܐ ܕܕܪܐ ܕܥܣܪܝܢ ܒܝܬ ܙܠܝܢ ܐܘ ܙܐܠܝܢ ܕܗܝ ܩܡܫܠܝ ܘܟܪܝܐܝܬ ܐܡܪܝܢܢ̣:
ܡܢ ܫܢܬ 1920ܡ ܟܕ ܐܬܘ ܐܝܩܪ̈ܬܐ ܣܘܪ̈ܝܝܬܐ ܡܢ ܩܘܪ̈ܝܝܗܘܢ ܘܡܕܝܢ̈ܝܬܗܘܢ܆ ܕܗܘܘ ܬܚܬ ܫܘܠܛܢܘܬܐ ܬܘܪܟܝܬܐ܆ ܐܬܘ ܠܩܪܝܒ ܢܘܩܙܐ ܡܢ ܬܚܘܡܐ ܕܬܘܪܟܝܐ܆ ܕܐܝܬܘܗ̱ܝ̱ ܗ̱ܘܐ ܟܪܟ̥ܐ ܒܪܝܐ ܕܢܨܝܒܝܢ܆ ܘܫܬܐܣ ܥܡܐ ܣܘܪܝܝܐ ܐܝܕܐ ܒܐܝܕܐ ܠܒ̈ܬܐ ܘܥܕܬ̈ܐ ܘܡܕܪ̈ܫܬܐ (ܐܝܟ ܣܘܓܐܐ ܕܡܕܝܢ̈ܬܐ ܕܓܙܪܬܐ ܕܣܘܪܝܐ)܆ ܘܐܬܬܘܣܦ ܡܢܝܢܗܘܢ ܒܙܒܢܐ ܟܪܝܐ ܒܝܬ 1920 ܥܕܡܐ 1930܆ ܘܗܘܬ ܩܡܫܠܝ ܕܐܬܐ ܫܡܗ ܡܢ ܡܥܒܪܬܐ ܬܘܪܟܝܬܐ ܠܡܠܬܐ ܣܘܪܝܝܬܐ (ܙܐܠܝܢ ܐܘ ܙܠܝܢ) ܐܘܟܝܬ ܕܘܟܬ ܙܠܐ (ܩܨܒ ܕܫܟܪܐ)܆ ܕܝܥܐ ܗ̱ܘܐ ܒܣܓܝܐܘܬܐ ܥܠ ܓܒ ܢܗܪܐ ܕܓܩܓܩ:
ܚܒܝܫܬ̈ܐ |
[ܫܚܠܦ] ܬܪ̈ܡܝܬܐ ܘܓܒ̈ܐ ܘܫܘ̈ܬܐܣܐ ܕܩܡܫܠܝ
1- ܡܢ ܫܢܬ 1936 ܐܫܬܬܣ ܒܗ̊ ܒܩܡܫܠܝ ܒܘܕܩܐ ܪܒܝܥܝܐ ܣܘܪܝܝܐ.
2- ܡܢ ܫܢܬ 1957 ܫܪܝ ܙܘܥܐ ܦܘܠܝܛܝܩܝܐ ܣܘܪܝܝܐ ܒܩܡܫܠܝ ܐܪܫܟܝܬܐ ܕܓܙܪܬܐ ܘܕܣܘܪ̈ܝܝܐ؛ ܕܡܬܡܬ̥ܠ ܗ̱ܘܐ ܒܡܛܟܣܬܐ ܐܬܘܪܝܬܐ ܕܝܡܘܩܪܛܝܬܐ ܘܟܢ ܒܕܪܐ ܕܚܕ ܘܥܣܪܝܢ ܕܪܢܝ̈ܐ ܐܘܟܝܬ̥ ܓܒܐ ܕܚܐܪܘܬܐ ܕܒܝܬ ܢܗܪܝܢ ܘ ܙܘܥܐ ܕܝܡܘܩܪܛܝܐ ܐܬܘܪܝܐ ܘ ܣܛܪ.
3 - ܡܢ ܫܢܬ 1993 ܫܪܝܘ ܥܕܥܐܕ̈ܐ ܕܠܫܢܐ ܣܘܪܝܝܐ ܘܥܘܢܝܬ̥ܐ ܣܘܪܝܝܬܐ ܡܕܢܚܝܬܐ ܘܡܥܪܒܝܬܐ ܒܝܨܝܦܘܬܐ ܕܣܝܥܬܐ ܕܐܘܪܗܝ ܐܡܢܝܬܐ ܘܐܣܪܬܐ ܕܢܨܝܒܝܢ ܕܣܦܪ̈ܐ ܣܘܪ̈ܝܝܐ ܕܐܫܬܟܠܠܘ ܒܥܡܠܐ ܘܠܐܘܬܐ ܕܠܐ ܩܘܛܥ ܕܡܠܦܢܐ ܠܚܕܐ ܐܣܚܩ ܒܗܘ ܙܒܢܐ؛ ܕܐܝܬ̥ܘ ܗ̱ܘܐ ܪܝܫ ܡܘܬܒܐ ܐܘܡܬ̥ܢܝܐ ܕܣܘܪ̈ܝܝܐ ܐܘܪܬܕܘܟܣܘ ܒܩܡܫܠܝ ܕܗܝ ܒܝܬ̥ ܙܰܠܶܐ.
4- ܘܬܘܒ ܐܫܬܬܣܝ̱ ܡܕܪ̈ܫܬܐ ܣܘܪ̈ܝܝܬܐ ܘܐܪ̈ܡܢܝܬܐ ܘܐܬܘܪ̈ܝܬܐ ܕܡܠܦܳܢ ܠܫܢܐ ܣܘܪܝܝܐ ܘ ܐܪܡܢܝܐ ܐܝܟ̥ ܡܕܪ̈ܫܬܐ ܕܝܠܢܝ̈ܬܐ ܛܟܣܝܬ̈ܐ ܢܩ̈ܦܳܢ ܠܥܕܬ̈ܐ ܐܬܦܪܣܝ̱ ܒܚܐܪܘܬܐ.
5- ܘܐܫܬܬܣܝ̱ ܫܘܬܦܬ̥ܐ ܕܡܪܟܒ̈ܬܐ ܪܒ̈ܬܐ ܕܐܝܟ̥ ܐܝܙܠܐ (إيزلا\زالين) ܘ ܒܝܬ ܢܗܪܝܢ ܐܘܟܝܬ (الرافدين)܆ ܘܫܘܬܦ̈ܬܐ ܕܡܐܟܘܠܬܐ ܕܐܝܟ ܗܒܗ (هبة) ܘܚܠܘܠܐ ܕܪܐܦܕܝܢ (برغل الرافدين) ܘܥܫܬܪ ܠܡܐܟܘܠܬܐ ܘܫܐܡܝܪܐܡ ܘܣܛܪ ܕܫܘ̈ܬܦܬܐ ܘܒܝܬ ܣܚܘܐ ܘܒܝܬ ܣܡܟ̈ܐ ܘܡܥܡ̈ܠܐ ܕܡܫܡܫܝܢ ܘܡܫܬܡܫܝܢ ܡܢ ܒܢܝ̈ ܥܡܐ ܡܫܝܚܝܐ ܒܡܕܝܢܬ ܙܠܝܢ ܡܚܣܢܬ ܒܐܠܗܐ.
6- ܘܬܘܒ ܐܬܦܬܚ ܩܢܛܪܘܢܐ ܠܦܪܣ ܚܙܘܐ ܣܘܪܝܝܐ (ܣܘܪܝܐ TV) ܒܫܘܬܐ ܡܨܥܝܬܐ ܕܩܡܫܠܝ ܒܫܢܬ 2006ܡ.
7- ܘܐܫܬܬܣܬ ܒܫܢܬ 2008 ܟܢܘܫܬܐ ܡܪܕܘܬܢܝܬܐ ܣܘܪܝܝܬܐ ܒܣܘܪܝܐ ܘܩܢܛܪܘܢܗ̊ ܒܩܡܫܠܝ ܡܕܝܢ̱ܬܐ ܡܒܪܟ̥ܬܐ ܒܐܘܝܘܬܐ ܘܡܒܪܟ̥ܘܬ̥ܐ ܡܢ ܪܝܫ ܩܘܛܢܝܘܬܐ ܕܣܘܪܝܐ ܐܣܝܐ ܡܝܩܪܐ ܒܫܐܪ ܐܠܐܣܕ (ܐܠܗܐ ܢܢܛܪ ܚܝܘܗ̱ܝ̱).
[ܫܚܠܦ] ܐܡܘ̈ܬܐ ܘ ܬܘܕܝ̈ܬܐ ܕܒܝܬ ܙܠܝܢ
- ܝܘܡܢܐ ܡܕܝܢܬ ܙܠܝܢ ܚܝܐ ܒܗ̊ ܐܡܘ̈ܬܐ ܡܫܚܠܦ̈ܬܐ ܡܢ ܣܘܪ̈ܝܝܐ ܘ ܥܪ̈ܒܝܐ ܘ ܩܘܪ̈ܕܝܐ ܘ ܐܪ̈ܡܢܝܐ ܘܚܝܝܢ ܥܡ ܚܕܕ̈ܐ ܒܐܘܝܘܬܐ ܘܫܝܢܐ ܐܡܝܢܐ ܒܠܥܕ ܬܟܬܘܫܐ ܐܘ ܫܓܘܫܝܐ܆ ܘܕܝܠܢܐܝܬ ܒܝܬ ܥܡܐ ܟܘܪܕܝܐ ܘܣܘܪܝܝܐ. ܘܠܫܘܪܪ ܡܟܬܒܙܒܢܐ ܡܕܟܪܝܢܢ ܕܣܓܝܐܘܬܐ ܒܗܕܐ ܡܕܝܢܬܐ ܠܦܘܬ ܣܘܪ̈ܝܝܐ ܗ̱ܘܬ ܥܕܡܐ ܠܚܪܬ̥ܐ ܕܫܒܝܥܢܝܬ̥ ܕܪܐ ܕܥܣܪܝܢ ܘܟܢ ܥܠ ܐܚ̈ܐ ܩܘܪܕܝ̈ܐ ܘܥܪ̈ܒܝܐ ܘܐܬܬܘܣܦ، ܘܬܘܒ ܐܬܓܠܘܝܘ ܣܓܝ̈ܐܐ ܡܢ ܒܢܝ ܥܡܐ ܣܘܪܝܝܐ ܟܠܕܝܐ ܐܬܘܪܝܐ ܠܐܬܪ̈ܘܬܐ ܡܫܚܠܦ̈ܬܐ ܒܐܘܪܝܦܝ ܘܣܛܪ ܘܐܬܒܨܪ ܡܢܝܢܗܘܢ.
- ܘܥܡܐ ܕܩܡܫܠܝ (ܙܐܠܝܢ) ܬܘܕܝ̈ܬܐ ܡܫܚܠܦ̈ܬܐ ܡܢ ܐܣܠܐܡ (ܡܫܠܡܢ̈ܐ) ܘ ܟܪܝܣܛܝܢܘܬܐ ( ܡܫܝܚܝ̈ܐ ) ܘ ܐܝܙܝܕܝܘܬܐ (ܐܝܙܝܕܝ̈ܐ) ܘ ܝܗܘܕܝܘܬܐ (ܐܝܩܪܬܐ ܝܗܘܕܝܬܐ).
ܘܐܝܬ ܒܗ̊ ܥܕܬ̈ܐ ܣܓܝܐܬ̈ܐ ܡܢܗܝܢ ܬܡܢܝܐ ܠܣܘܪ̈ܝܝܐ ܐܘܪ̈ܬܘܕܘܟܣܝܐ ܘܚܕܐ ܠܟܠܕܝ̈ܐ ܘܐܚܪܝܢ̱ܬܐ ܠܣܘܪ̈ܝܝܐ ܩܬܘܠܝܩܝ̈ܐ ܘܬܪ̈ܬܝܢ ܠܐܬܘܪ̈ܝܐ ܡܕܢܚܝ̈ܐ ܘܥܬܝܩ̈ܐ ܘܬܘܒ ܬܪ̈ܬܝܢ ܠܐܪ̈ܡܢܝܐ ܘܚܕܐ ܠܐܪ̈ܡܢܝܐ ܩܬܘܠܝܩܝ̈ܐ ܘܬܪ̈ܬܝܢ ܠܐܘܢܓܠܝ̈ܐ
ܘܬܘܒ ܐܝܬ̥ ܒܩܡܫܠܝ ܡܣܓ̥ܕܐ ܪܒܐ ܠܡܫܠܡܢ̈ܐ (ܙܝܢ ܐܠܥܐܒܕܝܢ) ܘܬܘܒ ܟܢܝܫܬܐ ܠܝܗܘܕܝ̈ܐ ܒܕܘܟܬ̥ ܗܰܘ ܫܘܩܐ ܕܡܬ̥ܩܪܶܐ ܒܫܡܗܘܢ (ܫܘܩܐ ܕ ܝܗܘܕܝ̈ܐ עברית ܒܠܫܢܐ ܥܒܪܝܐ ).
- ܘܡܕܡ ܐܠܨܝܐ ܕܐܡܪܝܢܢ ܬܘܒ ܥܡܐ ܣܘܪܝܝܐ ܡܫܝܚܝܐ ܒܡܕܝܢܬ̥ ܩܡܫܠܝ ܙܐܠܝܢ ܣܓܝܐܘܬ̥ܗ ܡܢ ܥܕܬܐ ܣܘܪܝܝܬܐ ܐܪܬܘܕܟܣܝܬܐ ܐܝܬ̥ܰܘ؛ ܘܗܳܠܝܢ ܐܝܬ̥ ܠܗܘܢ ܫܒܥ ܨܠܘ̈ܬܐ ܒܝܘܡܐ̤ ܘܝܘܡܢܐ ܡܨܠܶܝܢ ܠܗܘܢ ܥܡ ܚܕܕ̈ܐ ܒܟܠܗܝܢ ܥܕܬ̈ܐ ܐܘܪܬܕܘܟܣܝ̈ܬܐ ܒܩܐܡܫܠܝ ܙܐܠܝܢ ܬܪܝܢ ܙܒܢܝ̈ܢ ܒܝܘܡܐ ܒܨܦܪܐ ܘܒܪܡܫܐ ܣܛܪ ܡܢ ܨܘܡܐ ܘܚܫܐ ܦܪܘܩܝܐ ܡܘܣܦܝܢ ܠܨܠܘ̈ܬ̥ܐ ܝܰܬܝܪ ܡܢ ܬܪܝܢ ܐܘ ܬܠܬ ܙܒܢܝ̈ܢ ܒܝܘܡܐ ܘܡܢ ܨܠܘ̈ܬܐ ܫܚܝܡܬ̈ܐ ܓ̥ܒܶܝܢܢ ܠܟ̥ܘܢ ܨܠܘܬ̥ܐ ܕܝܘܡ ܬܪܝܢ ܒܫܒܐ ܩܦܝܣܐܝܬ+
[ܫܚܠܦ] ܕܬ݂ܫܥܫܥܝ̈ܢ ܕܚܕ ܒܫܒ݁ܐ
ܩܰܕ݂ܡܳܝܰܬ݂ ܣܶܕ݂ܪܳܐ ܕ݂ܥܰܢܺܝ̣ܕ݂̈ܶܐ. ܟ݁ܶܢ ܩܳܠܳܐ ܒܩܺܝܢܰܬ݂: ܠܳܐ ܠܕ݂ܺܝ̣ܢܳܐ ܘܠܳܐ ܠܰܬ݂ܒ݂ܰܥܬ݂ܳܐ
ܥܰܡ ܣܳܗܕ݁̈ܶܐ ܒ݂ܪ̈ܺܝܟ݂ܶܐ ܕ݂ܪܰܚܡܽܘ̣ܟ: ܘܥܰܡ ܩܰܕ݁̈ܺܝ̣ܫܶܐ. ܕ݁ܰܫܦ݂ܰܪܘ̱ ܠܳܟ݂ ܒ݁ܕ݂ܽܘ̣ܒ݁ܳܪ̈ܰܝܗܽܘ̇ܢ. ܥܒ݂ܶܕ݂ ܕ݁ܽܘ̣ܟ݂ܪܳܢܳܐ ܠܥܰܢܺܝ̣ܕ݂̈ܰܝܢ: ܘܰܐܫܘܳܐ ܐܶܢܽܘ̇ܢ: ܠܗܰܘ ܩܰܘܡܳܐ ܕ݂ܡܶܢ ܝܰܡܺܝ̣ܢܳܟ݂ ܗ̄ ܘܰܐܢܺܝ̣ܚ ܐܶܢܽܘ̇ܢ ܀ ܩܳܠ ܬ݁ܶܢܚ̈ܳܬ݂ܳܐ ܕ݂ܥܰܢܺܝ̣ܕ݂̈ܶܐ: ܫܡܰܥ ܦ݁ܪܽܘ̇ܩܰܢ. ܥܰܠ ܪܺܝܫ ܩܰܝܣܳܐ ܒ݂ܓ݂ܳܓ݂ܽܘ̣ܠܬ݁ܳܐ. ܘܶܐܬ݂ܥܰܙܰܙ ܘܰܢܚܶܬ݂ ܬ݁ܰܒ݁ܪܶܗ: ܠܢܺܝ̣ܪܶܗ ܕ݁ܡܰܘܬ݁ܳܐ: ܡܶܢ ܨܰܘܪ̈ܰܝܗܽܘܢ ܕ݁ܰܩܒ݂ܺܝ̣ܪ̈ܶܐ ܗ̄ ܘܒ݂ܰܝܰܐ ܐܶܢܽܘ̇ܢ܀ ܫܘܒ: ܥܺܕ݂ܰܬ݂ ܩܽܘ̣ܕ݂ܫܳܐ ܡܦ݂ܺܝ̣ܣܳܐ ܠܳܟ݂: ܡܶܛܽܠ ܝܰܠܕ݁̈ܶܝܗ̇. ܟ݁ܰܕ݂ ܓ݁ܳܥܝܳܐ ܒ݂ܚܰܫܳܐ ܘܳܐ݀ܡܪܳܐ. ܠܳܐ ܡܳܪܝ̱ ܢ̣ܺܐܪܬ݁ܽܘ̣ܢ ܓ݁ܺܗܰܢܳܐ: ܐ̱ܢܳܫ̈ܳܐ ܕ݂ܠܰܒ݂ܫܽܘ̣ܟ: ܡܶܢ ܡܰܝ̈ܳܐ ܕ݂ܡܰܥܡܽܘ̇ܕ݂ܺܝܬ݂ܳܐ ܗ̄ ܘܒ݂ܳܟ݂ ܢ̣ܶܬ݂ܢܰܚܡܽܘ̣ܢ܀ ܡܢ: ܒ݁ܡܰܘܬ݁ܶܗ ܕ݁ܡܺܝ̣ܬ݂ܳܐ ܠܳܥܳܙܳܪ: ܡܰܪܝܰܡ ܐܶܡܪܰܬ݂݀. ܒ݁ܒ݂ܶܝܬ݂ ܥܰܢܝܳܐ ܠܡܳܪܰܢ ܝܶܫܽܘ̇ܥ. ܕ݁ܶܐܠܽܘ̣ ܬ݂ܢܳܢ ܗ̱ܘܰܝܬ݁ ܚܰܢܳܢܳܐ: ܡܰܚܶܐ ܡܺܝ̈ܬ݂ܶܐ. ܠܳܥܳܙܳܪ ܠܳܐ ܡܳܐܶܬ݂ ܗ̱ܘܳܐ ܗ̄ ܒ݂ܪܺܝ̣ܟ݂ ܗ̱ܽܘ ܕ݂ܢܰܚܡܶܗ ܀
ܒܳܥܽܘ̣ܬ݂ܳܐ ܕܡܳܪܝ̱ ܒ݁ܰܠܰܝ
[ܫܚܠܦ] ܕܢܓ݂ܗ ܬܪܝܢ ܒܫܒ݁ܐ
ܥܶܢܝܳܢܳܐ ܕ݂ܪܰܡܫܳܐ. ܩܰܕ݂ܡܳܝܰܬ݂ ܡܰܙܡܽܘ̇ܪ̈ܶܐ ܕ: ܩܡ ـ ܩܡܐ ـ ܩܝܚ ـ ܩܝܘ
ܟ݁ܶܢ ܥܶܩܒ݁ܳܐ
ܚܛܺܝܬ݂ ܒ݁ܰܫܡܰܝܳܐ ܘܰܩܕ݂ܳܡܰܝܟ݁ ܘܠܳܐ ܫܳܘܶܐ ܐ̱ܢܳܐ ܕ݂ܒ݂ܪܳܟ݂ ܐܶܬ݂ܩܪܶܐ. ܩܰܒ݁ܶܠܰܝܢܝ̱ ܐܰܝܟ݂ ܐܰܓ݂ܺܝܪܳܐ ܘܶܐ݀ܗܘܶܐ ܒ݂ܒ݂ܰܝܬ݁ܳܟ݂ ܥܰܒ݂ܕ݁ܳܐ ܥܰܠ ܕ݁ܰܚܛܺܝܬ݂ ܀ ܣܛܳܘ ܡܶܢ ܩܰܐܠܳܘܣ ܩܽܘܪܝܶܐ ܠܶܝܣܳܘܢ ܀ ܩܳܠܳܐ ܒܩܺܝܢܰܬܼ ܩܰܒ݁ܶܠܳܝܗ̱ܝ ܡܳܪܰܢ ܦܶܬ݂ܓ݂ܳܡܳܐ: ܒ݁ܚܽܘ̣ܒ݁ܳܐ ܘܰܒ݂ܗܰܝܡܳܢܽܘ̣ܬ݂ܳܐ: ܩܰܒ݁ܶܠܳܝܗ̱ܝ ܡܳܪܰܢ: ܠܦ݂ܺܝܪܡܳܐ ܗܳܢܳܐ ܡܶܢ ܐܺܝܕ݂̈̄ܝܢ: ܐܰܝܟ݂ ܦܺܝܪܡܶܗ ܕ݁ܰܐܗܪܽܘ̇ܢ: ܕ݁ܰܟ݂ـܠܳܐ ܡܰܘܬ݁ܳܐ ܡܶܢ ܥܰܡܳܐ ܀
ܪܶܟ݂ܢܳܐ ܫܬ݁ܺܝ̣ܬ݂ܳܝܳܐ ܒܩ: ܠܳܐ ܠܕ݂ܺܝܢܳܐ ܘܠܳܐ ܠܰܬ݂ܒ݂ܰܥܬ݂ܳܐ
ܦ݁ܶܬ݂ܓ݂ܳܡܳܐ. ܡܪܢ ܝܫܘܥ ܡܫܝܚܐ: ܠܳܐ ܠܕ݂ܺܝܢܳܐ ܘܠܳܐ ܠܰܬ݂ܒ݂ܰܥܬ݂ܳܐ: ܢ̣ܶܗܘܶܐ ܠܰܢ ܡܳܪܝ̱. ܦ݁ܰܓ݂ܪܳܟ݂ ܘܰܕ݂ܡܳܟ݂ ܕ݁ܰܫܩܰܠܢܰܢ. ܐܶܠܳܐ ܠܚܽܘ̣ܣܳܝܳܐ ܕ݂ܚܰܘ̈ܒ݁ܶܐ. ܘܰܠܫܽܘ̣ܒ݂ܩܳܢܳܐ. ܘܠܰܩܝܳܡܬ݁ܳܐ ܕ݂ܡܶܢ ܝܰܡܺܝܢܳܟ݂ ܗ̄ ܒ݁ܓ݂ܰܠܝܽܘ̣ܬ݂ ܐܰܦ݁̈ܶܐ ܀ ܡܶܢ ܢܰܚܠܳܟ݂ ܒ݁ܰܣܺܝܡܳܐ ܬ݂ܰܫܩܶܐ ܐܶܢܽܘ̇ܢ: ܦ݁ܰܓ݂ܪܳܟ݂ ܡܳܪܰܢ ܕ݁ܰܫܩܰܠܢܰܢ: ܘܰܕ݂ܡܳܟ݂ ܚܰܝܳܐ. ܕ݁ܶܐܫܬ݁ܺܝܢܰܢ ܒ݁ܗܰܝܡܳܢܽܘܬ݂ܳܐ. ܢ̣ܶܗܘܶܐ ܓ݂ܺܝܫܪܳܐ ܘܡܰܥܒ݁ܰܪܬ݁ܳܐ. ܘܒ݂ܶܗ ܢ̇ܶܫܬ݁ܰܘܙܰܒ݂. ܡܶܢ ܢܽܘ̣ܪܳܐ ܘܡܶܢ ܓ݁ܺܗܰܢܳܐ ܗ̄ ܘܢ̇ܺܐܪܰܬ݂ ܚܰܝ̈ܶܐ ܀ ܫܘܒ: ܫܽܘ̣ܒ݂ܚܳܐ ܠܶܗ ܠܡܰܠܟ݁ܳܐ ܡܫܺܝ̣ܚܳܐ: ܕ݁ܟ݂ܰܠܶܠ ܘܰܐܘܪܶܒ݂. ܠܣܳܓ݂ܽܘ̇ܕ݂̈ܰܘܗ̱ܝ ܒ݁ܰܐܪܒ݁ܰܥ ܦ݁ܶܢܝ̈ܳܢ. ܘܥܰܒ݂ܕ݁ܶܗ ܠܕ݂ܰܘܺܝܕ݂ ܟ݁ܶܢܳܪܳܐ: ܘܗܳܐ ܙܳܡܪ̈ܳܢ ܒ݁ܶܗ. ܥܺܕ݂̈ܳܬ݂ܳܐ ܥܰܡ ܕ݁ܰܝܪ̈ܳܬ݂ܳܐ ܗ̄ ܒ݁ܪܺܝܟ݂ ܕܿܙܰܡܰܪ ܒ݁ܶܗ ܀ ܡܢ: ܫܽܘ̣ܒ݂ܚܳܐ ܠܳܗ̇ ܠܗܳܝ ܛܰܝܒ݁ܽܘ̣ܬ݂ܳܐ: ܕ݁ܢܶܚܬ݁ܰܬ݂݀ ܘܰܫܪܳܬ݂݀. ܒ݁ܓ݂ܰܘ ܓ݁ܽܘ̣ܒ݁ܳܐ ܕ݂ܰܐܪ̈ܝܰܘܳܬ݂ܳܐ. ܘܣܶܟ݂ܪܰܬ݂݀ ܠܦ݂ܽܘ̣ܡܳܐ ܕ݂ܚܰܝܘ̈ܳܬ݂ܳܐ: ܕ݁ܠܳܐ ܢ̣ܚܰܒ݁ܠܳـܢ̈ܳܝܗ̱ܝ. ܠܫܽܘ̣ܦ݂ܪܶܗ ܦ݁ܰܐܝܳܐ ܕ݂ܕ݂ܳܢܺܝܐܝܶܠ ܗ̄ ܒ݁ܪܺܝܟ݂ ܗ̱ܽܘ ܕ݂ܦ݂ܰܨܝܶܗ ܀
[ܫܚܠܦ] ܣܘܬܪܐ ܕܬܪܝܢ ܒܫܒܐ
ܣܶܕ݂ܪܳܐ ܕ݂ܬ݂ܝܳܒ݂ܽܘ̣ܬ݂ܳܐ: ܩܳܠܳܐ ܒܩ: ܠܰܬܚܽܘ̣ܡܳܐ ܕ݂ܗܰܝܡܳܢܽܘ̣ܬ݂ܳܐ ܒ݂ܪܶܟ݂ܢܳܐ ܫܬ݁ܺܝ̣ܬ݂ܳܝܳܐ ܠܝܰܡܳܐ ܕ݂ܼܪ̈ܰܚܡܰܝܟ݁ ܚܳܐܰܪ ܐ̱ܢܳܐ. ܝܚܺܝ̣ܕ݂ܳܝܳܐ ܐܰܠܳܗܳܐ ܕ݂ܰܣܓ݂ܺܝܽܘ ܚܰܘܒ݁ܰܝ̈ ܘܰܥܫܶܢܘ̱ ܒ݁ܽܘ̣ܨܳܪ̈ܰܝ. ܪܽܘ̇ܣ ܥܠܰܝ ܒ݁ܙܽܘ̇ܦ݂ܳܟ݂ ܕ݁ܰܟ݂ܝܳܐ. ܘܚܰܠܶܠܰܝܢܝ̱ ܒ݁ܕ݂̈ܶܡܥܶܐ ܕ݂ܥܰܝ̈ܢܰܝ ܒ݁ܳܥܶܐ ܐ̱ܢܳܐ ܡܳܪܝ̱ ܒ݁ܚܽܘ̣ܒ݁ܶܗ ܕ݁ܝܳܠܽܘ̇ܕ݂ܳܟ݂. ܠܳܐ ܢ̣ܰܗܠܽܘ̣ܢ ܒ݁ܺܝ ܣܳܩܽܘ̇ܪ̈ܰܝ. ܐܶܠܳܐ ܢ̣ܶܚܕ݁ܽܘ̇ܢ ܡܰܠܰܐܟ݂̈ܶܐ ܒ݂ܚܰܕ݂ ܚܰܛܳܝܳܐ ܕ݂ܬ݂ܳܐܶܒ݂ ܡܶܢ ܥܰܘܠܶܗ. ܘܢ̣ܺܐܡܪܽܘܢ ܕ݁ܰܒ݂ܪܺܝܟ݂ ܗ̱ܽܘ ܡܳܪܝܳܐ. ܕ݁ܰܦ݂ܬ݂ܺܝ̣ܚ ܬ݁ܰܪܥܶܗ ܠܬ݂ܰܝ̈ܳܒ݂ܶܐ ܗ̄ ܒ݁ܠܺܠܝܳܐ ܘܒ݂ܺܐܝܡܳܡܳܐ ܀ ܐܰܢ̱ܬ݁ ܡܳܪܰܢ ܚܽܘ̣ܪ ܒ݁ܰܡܚܺܝ̣ܠܽܘ̣ܬ݂ܝ̱. ܕ݁ܰܚܛܺܝܬ݂ ܣܰܓ݁ܺܝ ܘܰܐܪܓ݁ܶܙܬ݁ܳܟ݂. ܘܠܳܐ ܝܳܕ݂ܰܥ ܐ̱ܢܳܐ ܒ݂ܡܰܢܽܘ̣ ܐܶܬ݂ܓ݁ܰܘܰܣ. ܩܶܪܒ݀݁ܶܬ݂ ܨܶܝܕ݂ ܐܳܣܰܘ̈ܳܬ݂ܳܐ. ܘܰܐܘܦ݁ܺܝܽܘ ܒ݂ܺܝ ܣܰܡ̱̈ܡܳܢܰܝܗܽܘ̇ܢ ܘܫܽܘ̣ܚܢܳܐ ܡܰܪܺܝ̣ܪ ܘܠܰܝܬ݁ ܠܶܗ ܥܳܨܽܘ̇ܒ݂ܳܐ. ܫܶܡܥܶ݀ܬ݂ ܒ݁ܳܟ݂ ܐܳܣܝܳܐ ܛܳܒ݂ܳܐ. ܕ݁ܺܐܝ̣ܬ݂ ܠܳܟ݂ ܣܰܓ݁ܺܝ ܣܰܡ̱̈ܡܳܢܶܐ ܘܰܕ݂ܩܳܪܶܒ݂ ܠܳܟ݂. ܢܳܣܶܒ݂ ܥܽܘ̣ܕ݂ܪ̈ܳܢܶܐ. ܒ݁ܚܽܘ̣ܒ݁ܶܗ ܕ݁ܰܐܒ݂ܳܐ ܝܳܠܽܘ̇ܕ݂ܳܟ݂. ܘܒ݂ܰܨܠܽܘ̣ܬ݂ܳܐ ܕ݂ܗܳܝ ܕ݁ܺܝܠ̣ܶܕ݂ܬ݂ܳܟ݂ ܗ̄ ܚܰܣܳܐ ܠܺܝ ܚܰܘܒ݁ܰܝ̈ ܀
[ܫܚܠܦ] ܕܠܠܝܐ ܕܬ݂ܪܝܢ ܒܫܒܐ
ܨܠܽܘ̇ܬ݂ܳܐ ܕ݂ܰܡܥܺܝ̣ܪܳܢܳܐ ܫܘܒ: ܘܰܥܠܰܝܢ ܡܚܺܝ̈ܠܶܐ ...܀ ܐܰܥܺܝ̣ܪ ܡܳܪܝ̱ ܠܕ݂ܰܡܟ݁ܽܘ̣ܬ݂ܰܢ ܡܶܢ ܛܽܘ̣ܒ݁ܳܥܳܐ ܕ݂ܰܚܛܺܝ̣ܬ݂ܳܐ ܕ݂ܢ̇ܰܘܕ݁ܶܐ ܠܥܺܝ̣ܪܽܘ̣ܬ݂ܳܟ݂܆ ܥܺܝ̣ܪܳܐ ܕ݂ܠܳܐ ܕ݂ܳܡܶܟ݂. ܘܰܐܚܳܐ ܠܡܺܝ̣ܬ݂ܽܘ̣ܬ݂ܰܢ ܡܶܢ ܫܶܢܬ݂ܳܐ ܡܛܰܒ݁ܥܳܢܺܝ̣ܬ݂ܳܐ ܕ݂ܡܰܘܬ݁ܳܐ ܘܕ݂ܰܚܒ݂ܳܠܳܐ ܕ݂ܢ̇ܶܣܓ݁ܽܘ̇ܕ݂ ܠܰܚܢܳܢܳܟ݂܆ ܚܰܝܳܐ ܕ݂ܠܳܐ ܡܳܐܶܬ݂. ܘܰܐܫܘܳܐ ܠܰܢ ܕ݁ܥܰܡ ܟ݁ܶܢ̈ܫܶܐ ܕ݂ܰܡܫܰܒ݁̈ܚܳܢܰܝܟ݁ ܢ̇ܫܰܒ݁ܚܳܟ݂. ܡܫܰܒ݁ܚܳܐ ܓ݂ܶܝܪ ܘܰܡܒ݂ܰܪܟ݂ܳܐ ܐܺܝܬ݂ܰܝܟ݁܆ ܐܰܒ݂ܳܐ ܘܰܒ݂ܪܳܐ ܘܪܽܘܚܳܐ ܩܰܕ݁ܺܝ̣ܫܳܐ. ܗܳܫܳܐ ܘܰܒ݂ܟ݂݀ܽܠܙܒ݂ܰܢ ܠܥ݀ܳܠܡܺܝ̣ܢ ܀ ܟ݁ܶܢ ܡܬܐܡܪܝܢ ܡܰܙܡܽܘ̇ܪ̈ܶܐ ܕ: (ܩܠܓ ـ ܩܝܚ ـ ܩܣܛ ـ ܩܥܘ)
ܒ݁ܪܶܟ݂ܡܳܪܝ̱܉ ܒ݁ܰܪܶܟܘ̱ ܠܡܳܪܝܳܐ: ܐܰܥܺܝ̣ܪ ܘܰܐܩܺܝܡܰܝܢܝ̱. ܡܶܢ ܫܶܢܬ݂ܳܐ ܕ݂ܡܰܗܡܝܳܢܽܘ̣ܬ݂ܳܐ. ܠܬ݂ܫܒ݁ܽܘ̇ܚܬ݁ܳܐ ܕ݂ܪܰܒ݁ܽܘ̣ܬ݂ܳܟ݂. ܡܳܪܝܳܐ ܐܰܠܳܗܳܐ ܀ ܐܰܝܠܶܝܢ ܕ݁ܩ݀ܳܝܡܺܝܢ ܒ݁ܒ݂ܰܝܬ݁ܶܗ: ܪ̈ܰܚܡܰܝܟ݁ ܐܰܥܺܝܪܽܘ̣ܢܝ̱. ܕ݁ܰܒ݂ܦ݂ܠܓ݁ܶܗ ܕ݁ܠܺܠܝܳܐ ܐܶ݀ܫܰܒ݁ܚܳܟ݂. ܫܰܟ݁ܶܢ ܠܺܝ ܫܽܘ̣ܒ݂ܩܳܢ ܚܰܘ̈ܒ݁ܶܐ. ܡܳܪܝܳܐ ܐܰܠܳܗܳܐ܀ ܐܰܪܺܝ̣ܡܘ̱ ܐܺܝ̣ܕ݂̈ܰܝܟ݁ܽܘܢ ܠܩܽܘ̣ܕ݂ܫܳܐ: ܐܶܬ݁ܕ݁ܰܟ݂ܪܶܬ݂ ܒ݁ܠܺܠܝܳܐ. ܠܰܫܡܳܟ݂ ܣܓ݂ܺܝ̣ܕ݂ܳܐ ܘܩܰܕ݁ܺܝ̣ܫܳܐ. ܘܩܳܡܶ݀ܬ݂ ܕ݁ܰܐܘܕ݁ܶܐ ܠܳܟ݂. ܘܶܐ݀ܫܰܒ݁ܚܳܟ݂ ܪܳܚܶܡ ܐ̱ܢܳܫܳܐ ܀ ܢܒ݂ܰܪܟ݂ܳܟ݂ ܡܳܪܝܳܐ ܡܶܢ ܨܶܗܝܽܘ̇ܢ: ܐܶܬ݁ܕܰܟ݂ܪܶܬ݂ ܠܺܝ ܬ݂ܽܘ̣ܒ݂. ܕ݁ܥܺܝ̣ܪ̈ܶܐ ܡܶܡܬ݂ܽܘ̇ܡ ܠܳܐ ܕ݂ܳܡܟ݁ܺܝܢ. ܘܩܳܡܶ݀ܬ݂ ܕ݁ܰܐܟ݂ܘܳܬ݂ܗܽܘ̇ܢ. ܐܶ݀ܫܰܒ݁ܚܳܟ݂ ܪܳܚܶܡ ܐ̱ܢܳܫܳܐ ܀ ܬܶܥܽܘ̇ܠ ܬ݁ܶܫܒ݁ܽܘ̇ܚܬ݁ܝ̱ ܩܕ݂ܳܡܰܝܟ݁: ܚܰܘ̈ܒ݁ܰܝ ܣܰܓ݁ܺܝ̈ܐܝܺܢ. ܒ݁ܒ݂ܶܝܬ݂ ܕ݁ܺܝ̣ܢܳܐ ܗܳܐ ܚܳܝܪܺܝܢ ܠܺܝ. ܢܓ݂ܽܘ̣ܠܽܘ̣ܢ ܥܠܰܝ ܪ̈ܰܚܡܰܝܟ݁. ܘܚܰܣܳܐ ܠܺܝ ܟ݀݁ܽܠ ܕ݁ܰܚܛܺܝ݀ܬ݂ ܠܳܟ݂ ܀ ܢܰܒ݁ܰܥ ܠܶܫܳܢܝ̱ ܡܺܐܡܪܳܟ݂: ܐܰܝܟ݂ ܕ݁ܚܰܣܺܝ̣ܬ݁ ܚܰܘ̈ܒ݁ܶܝܗ̇. ܕ݁ܗܳܝ ܚܰܛܳܝܬ݁ܳܐ ܕ݂ܒ݂ܶܝܬ݂ ܫܶܡܥܽܘ̇ܢ. ܚܰܣܳܐ ܠܺܝ ܚܰܘ̈ܒ݁ܰܝ. ܡܳܪܝܳܐ ܐܰܠܳܗܳܐ ܀ ܢ̣ܡ̈ܰܠܠܳܢ ܣܶܦ݂ܘ̈ܳܬ݂ܝ̱ ܬ݁ܶܫܒ݁ܚ̈ܳܬ݂ܳܟ݂: ܚܛܺܝ݀ܬ݂ ܡܳܪܝ̱ ܘܠܳܐ ܬ݂ܒ݂ܰܥܬ݁ܳܢܝ̱. ܘܬ݂ܳܒ݂ܶܬ݂ ܘܩܰܒ݁ܶܠܬ݁ܳܢܝ̱. ܢܓ݂ܽܘ̣ܠܽܘ̣ܢ ܥܠܰܝ ܪ̈ܰܚܡܰܝܟ݁. ܘܚܰܣܳܐ ܠܺܝ ܟ݀݁ܽܠ ܕ݁ܰܚܛܺܝܬ݂ ܠܳܟ݂ ܀ ܣܰܟ݁ܝܰܬ݂݀ ܢܰܦ݂ܫܝ̱ ܠܦ݂ܽܘ̣ܪܩܳܢܳܟ݂: ܫܳܡܰܥ ܘܠܳܐ ܡ̇ܰܗܡܶܐ. ܘܥܳܢܶܐ ܘܦ݂݀ܳܪܶܩ ܘܰܡܫܰܘܙܶܒ݂. ܚܽܘ̇ܢܰܝܢܝ̱ ܒ݁ܛܰܝܒ݁ܽܘ̣ܬ݂ܳܟ݂. ܘܚܰܣܳܢܝ̱ ܒ݁ܰܡܪܰܚܡܳܢܽܘ̣ܬ݂ܳܟ݂ ܀ ܐܬ݁ܛܥܺܝܬ݂ ܐܰܝܟ݂ ܥܶܪܒ݁ܳܐ ܐܰܒ݂ܺܝ̣ܕ݂ܳܐ: ܐܶܬ݁ܕ݁ܰܟ݂ܪܶܬ݂ ܕ݁ܰܚܛܺܝܬ݂. ܘܰܒ݂ܚܰܫܳܐ ܫܦ݂̈ܰܥܝ̱ ܗ̱ܘ̈ܰܝ ܕ݁̈ܶܡܥܰܝ. ܢܓ݂ܽܘ̣ܠܽܘ̣ܢ ܥܠܰܝ ܪ̈ܰܚܡܰܝܟ݁. ܘܚܰܣܳܐ ܠܺܝ ܟ݂݀ܽܠ ܕ݁ܰܚܛܺܝܬ݂ ܠܳܟ݂ ܀ ܫܰܒ݁ܰܚܘ̱ ܠܡܳܪܝܳܐ ܟ݂ܽܠܟ݂ܽܘ̇ܢ: ܒ݁ܽܐܘ̇ܪܫܠܶܡ ܕܰܠܥܶܠ. ܘܰܒ݂ܥܺܕ̱݁ܬ݁ܳܐ ܕ݂ܒ݂ܺܝܬ݂ ܐܰܪ̈ܥܳܢܶܐ. ܥܒ݂ܶܕ݂ ܡܳܪܝ̱ ܕ݁ܽܘ̣ܟ݂ܪܳܢܳܐ. ܠܥܰܒ݂ܕ݁̈ܰܝܟ݁ ܕ݁ܰܫܟ݂ܶܒ݂ܘ̱ ܥܰܠ ܣܰܒ݂ܪܳܟ݂ ܀ ܫܘܒ: ܡܢ: ܫܽܘ̣ܒ݂ܚܳܐ ܠܳܟ݂ ܡܳܪܰܢ. ܕ݁ܥܺܝ̣ܪ̈ܶܐ ܠܳܐ ܡܨܶܝܢ ܚܳܙܶܝܢ ܠܳܟ݂. ܘܳܐܕ݂ܳܡ ܥܰܦ݂ܪܳܢܳܐ. ܥܰܠ ܐܺܝ̣ܕ݂̈ܰܘܗ̱ܝ ܗܳܐ ܡܙܰܝܰܚ ܠܳܟ݂ ܀
ܩܰܘܡܳܐ ܩܰܕ݂ܡܳܝܳܐ ܕ݂ܠܺܠܝܳܐ
ܕ݁ܝܳܠܕ݁ܰܬ݂ ܐܰܠܳܗܳܐ ܨܠܽܘ̇ܬ݂ܳܐ ܕ݂ܒ݂ܳܬ݂ܰܪ ܡܥܺܝ̣ܪܳܢܳܐ ܠܺܐܝܩܳܪܳܐ ܘܰܠܬ݂ܶܫܒ݁ܽܘ̇ܚܬ݁ܳܐ ܕ݂ܰܡܪܰܚܡܳܢܽܘ̣ܬ݂ܟ݂ ܢ̣ܶܗܘܶܐ ܩܰܘܡܰܢ ܕ݁ܰܩܕ݂ܳܡ ܪܰܒ݁ܽܘ̣ܬ݂ܳܟ݂ ܡܳܪܝܳܐ ܐܰܠܳܗܳܐ. ܘܢ̇ܶܬ݂ܥܗܰܕ݂ ܒ݁ܠܺܠܝܳܐ ܘܒ݂ܺܐܝܡܳܡܳܐ ܠܰܫܡܳܟ݂ ܩܰܕ݁ܺܝ̣ܫܳܐ ܘܰܠܦ݂ܽܘ̣ܩܕ݁̈ܳܢܰܝܟ݁ ܐܰܠܳܗ̈ܳܝܶܐ. ܘܥܰܡ ܕ݁ܰܘܺܝܕ݂ ܡܙܰܡܪܳܢܳܐ ܐܰܠܳܗܳܝܳܐ ܢ̇ܰܙܥܶܩ ܘܢܺܐܡܰܪ: ܕ݁ܰܒܦ݂ܶܠܓ݁ܶܗ ܕ݁ܠܺܠܝܳܐ ܩܳܡ݀ܶܬ݂ ܕ݁ܰܐܘܕ݁ܶܐ ܠܳܟ݂ ܥܰܠ ܕ݁̈ܺܝ̣ܢܰܝܟ݁ ܫܰܦ݁ܺܝ̣ܪ̈ܶܐ ܘܠܰܐ ܡܶܬ݁ܕ݁ܰܪ̈ܟ݁ܳܢܶܐ ܕ݂ܰܠܘܳܬ݂ܰܢ. ܡܳܪܰܢ ܘܰܐܠܳܗܰܢ ܠܥܳܠܡܺܝܢ ܀ ܥܶܩܒ݂ܳܐ ܒܩ: ܗܳܢܰܘ ܝܰܪܚܳܐ ܒ݁ܬ݂ܽܘ̣ܠܬ݁ܳܐ ܩܪܳܬ݂ܰܢܝ̱. ܕ݁ܺܐ݀ܡܰܪ ܫܰܪܒ݁ܳܗ̇ ܟ݁ܰܕ݂ ܬ݁ܳܗܰܪ ܐ̱ܢܳܐ. ܗܰܒ݂ ܠܺܝ ܬ݂ܶܗܪܳܟ݂ ܒ݁ܰܪ ܐܰܠܳܗܳܐ. ܘܰܐ݀ܥܬ݁ܰܪ ܟ݁ܶܢܳܪܝ̱ ܡܶܢ ܡܰܘܗܰܒ݂ܬ݂ܳܟ݂. ܕ݁ܰܠܝܳܠܶܕ݁ܬ݁ܳܟ݂. ܐܶܨܽܘ̣ܪ ܨܰܠܡܳܐ ܕ݂ܰܡܠܶܐ ܫܽܘ̣ܦ݂ܪ̈ܶܐ ܀ ܣܶܕ݂ܪܳܐ ܕ݂ܝܳܠܕ݁ܰܬ݂ ܐܰܠܳܗܳܐ ܩܳܠܳܐ ܒܩ̄: ܩܽܘ̇ܩܳܝܳܐ ܚܕ݂ܳܐ ܛܠܺܝܬ݂ܳܐ ܡܶܢ ܒ݁ܶܝܬ݂ ܕ݁ܰܘܺܝ̣ܕ݂ ܕ݁ܰܫܡܳܗ̇ ܡܰܪܝܰܡ. ܗܘܳܬ݂݀ ܡܰܪܟ݁ܰܒ݂ܬ݂ܳܐ ܘܰܛܥܶܢܬ݂ܶܗ ܠܦ݂ܳܪܽܘ̇ܩܶܗ ܕ݁ܥܳܠܡܳܐ. ܡܶܣܬ݁ܰܒ݂ܪܳܐ ܠܺܝ: ܕ݁ܗܺܝ ܪܰܒ݁ܳܐ ܗ̱ܝ ܣܰܓ݁ܺܝ. ܡܶܢ ܡܰܪܟ݁ܰܒ݂ܬ݂ܳܐ: ܕ݁ܰܚ̣ܙܳܐ ܚܰܙܩܺܝܶܐܠ. ܠܗܳܝ ܐܺܝ̣ܬ݂ ܠܳܗ̇ ܐܰܦ݁̈ܶܐ ܘܓ݂ܺܝ̈ܓ݂ـܠܶܐ ܡ̈ܰܠܳܠܳܬ݂ܳܐ. ܘܰܠܡܰܪܝܰܡ ܦ݁ܽܘ̣ܡܳܐ ܕ݂ܙ݀ܳܡܰܪ ܠܳܟ݂ ܫܽܘ̣ܒ݂ܚܳܐ ܡܳܪܝܳܐ ܗ̄ ܨܠܽܘ̇ܬ݂ܳܗ̇ ܬ݁ܥܰܕ݂ܰܪ ܠܰܢ ܀
ܒ݁ܳܥܽܘ̣ܬ݂ܳܐ ܕ݂ܡܳܪܝ̱ ܝܰܥܩܽܘ̇ܒ݂ ܨܠܽܘ̇ܬ݂ܶܟ݂ܝ̱ ܥܰܡܰܢ ܐܳܘ ܡܒ݂ܰܪܰܟ݂ܬ݁ܳܐ ܨܠܽܘ̇ܬ݂ܶܟ݂ܝ̱ ܥܰܡܰܢ: ܠܰܨܠܰܘ̈ܳܬ݂ܶܟ݂ܝ̱ ܢ̣ܶܫܡܰܥ ܡܳܪܝܳܐ ܘܰܢ̣ܚܰܣܶܐ ܠܰܢ ܀ ܡܰܠܝܰܬ݂ ܪ̈ܰܚܡܶܐ ܐܰܦ݁ܺܝ̣ܣܝ̱ ܘܰܒܥܳܝ ܠܰܡܠܶܐ ܪ̈ܰܚܡܶܐ: ܕ݁ܢ̣ܶܥܒ݁ܶܕ݂ ܪ̈ܰܚܡܶܐ ܥܰܠ ܢܰܦ݂ܫ̈ܳܬ݂ܳܐ ܕ݂ܫ̈ܳܐܠܳܢ ܪ̈ܰܚܡܶܐ ܀܀ ܒ݁ܰܨܠܰܘ̈ܳܬ݂ܳܗ̇ ܕ݁ܗܳܝ ܕ݁ܰܛܥܶܢܬ݂ܳܟ݂ ܝܰܪ̈ܚܶܐ ܬ݂ܶܫܥܳܐ ܀ ܒ݁ܰܪ ܐܰܠܳܗܳܐ ܐܰܥܒ݁ܰܪ ܡܶܢܰܢ ܫܰܒ݂̈ܛܶܐ ܕ݂ܪܽܘ̣ܓ݂ܙܳܐ ܀
[ܫܚܠܦ] ܨܦܪܐ ܕܬܪܝܢ ܒܫܒܐ
ܡܰܙܡܽܘ̇ܪܳܐ ܕ(ܢܐ) ܕ݂ܪܰܚܶܡܥܠܰܝ ܟܢ ܡܰܙܡܽܘ̇ܪܳܐ ܕ(ܣܓ) ܒܬ݂ܰܪܟ݁ܶܢ ܥܶܢܝܳܢܳܐ. ܦ݁ܶܬ݂ܓ݂ܳܡܳܐ: ܐܰܠܳܗܝ̱ ܐܰܠܳܗܝ̱ ܐܰܢ̱ܬ݁: ܠܘܳܬ݂ܳܟ݂ ܩܰܕ݁ܡܶ݀ܬ݂܆ ܘܰܩܕ݂ܡ ܒ݁ܺܐܡ ܕ݁ܺܝ̣ܠܳܟ݂ ܣܶܓ݂ܕ݁ܶܬ݂. ܡܰܠܟ݁ܳܐ ܫܡܰܝܳܢܳܐ܆ ܚܰܣܳܐ ܠܺܝ ܟ݂݀ܽܠ ܕ݁ܰܚܛܺܝ݀ܬ݂ ܠܳܟ݂ ܀ ܨܰܗܝܳܐ ܗ̱ܝ ܠܳܟ݂ ܢܰܦ݂ܫܝ̱: ܒ݁ܨܰܦ݂ܪܳܐ ܩܳܡܶ݀ܬ݂܆ ܕ݁ܰܐܘܕ݁ܶܐ ܠܳܟ݂ ܥܰܠ ܣܰܟ݂ܠܘ̈ܳܬ݂ܝ̱. ܪܳܚܶܡ ܒ݁ܢܰܝ̈ܢܳܫܳܐ܆ ܚܰܣܳܐ ܠܺܝ ܟ݂݀ܽܠ ܕ݁ܰܚܛܺܝ݀ܬ݂ ܠܳܟ݂ ܀ ܗܳܟ݂ܰܢ ܚܳܪܬ݁ܳܟ݂ ܒ݁ܩܽܘ̣ܫܬ݁ܳܐ: ܒ݁ܪ̈ܰܚܡܶܐ ܕ݂ܫܰܠܚܽܘ̣ܟ݂܆ ܡܶܛܽܠ ܓ݁ܶܢܣܰܢ ܚܰܠܳܫܳܐ. ܩܰܒ݁ܶܠ ܬܶܫܡܫܬ݁ܰܢ: ܘܦ݂ܰܢܳܐ ܒ݂ܪ̈ܰܚܡܰܝܟ݁ ܫܶܐܠܳـ̈ܬܰܢ ܀ ܡܶܛܽܠ ܕ݁ܛ݀ܳܒ݂ܺܝ̣ܢ ܪ̈ܰܚܡܰܝܟ݁: ܡܶܢܳܟ݂ ܒ݁݀ܳܥܶܐ ܐ̱ܢܳܐ܆ ܘܠܪ̈ܰܚܡܰܝܟ݁ ܡܶܬ݂ܝܰܐܰܒ݂ ܐ̱ܢܳܐ. ܛܳܒ݂ܳܐ ܘܒ݂ܰܣܺܝ̣ܡܳܐ܆ ܚܰܣܳܐ ܠܺܝ ܟ݂݀ܽܠ ܕ݁ܰܚܛܺܝ݀ܬ݂ ܠܳܟ݂ ܀ ܗܳܟ݂ܰܢ ܐܶܒ݁ܰܪܟܳܟ݂ ܒ݁ܚܰܝ̈ܰܝ: ܢܽܘ̣ܗܪܳܐ ܘܒ݂ܰܪ ܢܽܘ̣ܗܪܳܐ܆ ܫܪܶܐ ܒ݂ܢܽܘ̣ܗܪܳܐ ܘܥܳܡܰܪ ܒ݁ܢܽܘ̣ܗܪܳܐ. ܐܰܫܘܳܢܝ̱ ܠܗܰܘ ܢܽܘ̣ܗܪܳܐ܆ ܕ݁ܠܳܐ ܡ̇ܰܕ݂ܪܶܟ݂ ܠܶܗ ܚܶܫܽܘ̇ܟ݂ܳܐ ܀ ܐܰܝܟ݂ ܫܽܘ̣ܡܢܳܐ ܘܰܐܝܟ݂ ܬ݁ܰܪܒ݁ܳܐ: ܢܽܘ̣ܗܪܳܐ ܕ݂ܡܰܦ݂ܨܰܚ ܠܳܗ̇܆ ܠܰܒ݂ܪܺܝ̣ܬ݂ܳܐ ܒ݂ܥܶܕ݁ܳܢ ܨܰܦ݂ܪܳܐ. ܘܩ݀ܳܝܡܺܝܢ ܟ݁ܽܠ ܕ݁ܰܥܠܶܝܗ̇܆ ܘܙ݀ܳܡܪܺܝܢ ܫܽܘ̣ܒ݂ܚܳܐ ܘܬ݂ܰܘܕ݁ܺܝܬ݂ܳܐ ܀ ܐܶܬ݁ܕ݁ܟ݂ܰܪܬ݁ܳܟ݂ ܥܰܠ ܬ݁ܰܫܘܺܝܬ݂ܝ̱: ܢܽܘ̣ܗܪܳܟ݂ ܚܙܳܬ݂݀ ܬܺܒ݂ܶܝܠ܆ ܘܶܐܬ݂ܦ݁ܰܨܚܰܬ݂݀ ܕ݁ܰܟ݂ܡܺܝܪܳܐ ܗ̱ܘܳܬ݂. ܘܗܳܐ ܙ݀ܳܡܪܳܐ ܫܽܘ̣ܒ݂ܚܳܐ܆ ܗܺܝ ܘܝܰܠܕ݁̈ܶܝܗ̇ ܥܕ݂ܰܡܳܐ ܠܥܳܠܰܡ ܀ ܡܶܛܽܠ ܕ݁ܰܗܘܰܝܬ݁ ܠܺܝ ܡܥܰܕ݁ܪܳܢܳܐ: ܚܰܣܝܳܐ ܘܩܰܕ݁ܺܝ̣ܫܳܐ܆ ܕ݁ܢܽܘ̣ܪܳܐ ܚܰܝܬ݂ܳܐ ܡܫܰܡܫܳܐ ܠܶܗ. ܩܰܒ݁ܶܠ ܬܶܫܡܫܬ݁ܰܢ: ܘܦ݂ܰܢܳܐ ܒ݂ܪ̈ܰܚܡܰܝܟ݁ ܫܶܐܠܳـ̈ܬܰܢ ܀ ܢܶܦ݂ܩܰܬ݂݀ ܢܰܦ݂ܫܝ̱ ܒ݁ܳܬ݂ܪܳܟ݂: ܐܶܬ݁ܕ݁ܰܟ݂ܪܶܬ݂ ܕ݁ܰܚܛܺܝܬ݂܆ ܘܰܒ݂ܚܰܫܳܐ ܫܦ݂ܰܥܝ̱̈ ܗ̱ܘ̈ܰܝ ܕ݁̈ܶܡܥܰܝ. ܢܓ݂ܽܘ̣ܠܽܘ̣ܢ ܥܠܰܝ ܪ̈ܰܚܡܰܝܟ݁܆ ܝܶܫܽܘ̇ܥ ܦ݁ܳܪܽܘ̇ܩܶܗ ܕ݁ܥܳܠܡܳܐ ܀ ܗܶܢܽܘ̇ܢ ܒ݁ܥ̣ܰܘ ܕ݁ܢ̣ܰܘܒ݁ܕ݂ܽܘ̣ܢ ܠܢܰܦ݂ܫܝ̱: ܫܶܡܥܽܘ̇ܢ ܒ݁ܓ݂ܰܘ ܝܰܡܳܐ܆ ܡܶܢ ܡܰܚܫ̈ܽܘ̣ܠܶܐ ܕ݂ܰܠܺܝ̣ܬ݁ܳܝܗ̱ܝ. ܕ݁ܰܠܳܗ̇ ܡܳܪܝ̱ ܠܥܺܕ̱݁ܬ݁ܳܟ݂܆ ܡܶܢ ܣܶܕ݂̈ܩܶܐ ܘܡܶܢ ܚܶܪ̈ܝܳܢܶܐ ܀ ܢ̣ܶܫܬ݁ܰܠܡܽܘ̣ܢ ܠܚܰܪܒ݁ܳܐ: ܚܰܘܒ݁ܰܝ̈ ܣܰܓ݁ܺܝ̈ܐܝܺܢ܆ ܘܒ݁ܶܝܬ݂ ܕ݁ܺܝ̣ܢܳܐ ܗܳܐ ܚ݀ܳܝܪܺܝܢ ܠܺܝ. ܢܓ݂ܽܘ̣ܠܽܘ̣ܢ ܥܠܰܝ ܪ̈ܰܚܡܰܝܟ݁܆ ܘܚܰܣܳܐ ܠܺܝ ܟ݂݀ܽܠ ܕ݁ܰܚܛܺܝ݀ܬ݂ ܠܳܟ݂ ܀ ܢ̣ܶܫܬ݁ܰܒ݂ܗܰܪ ܟ݁ܽܠ ܕ݁ܝܳܡܶܐ ܒ݂ܶܗ: ܒ݁ܽܐܘ̇ܪܫܠܶܡ ܕ݁ܰܠܥܶܠ܆ ܘܰܒ݂ܥܺܕ̱݁ܬ݁ܳܐ ܕ݂ܒ݂ܶܝܬ݂ ܐܰܪ̈ܥܳܢܶܐ. ܥܒ݂ܶܕ݂ ܡܳܪܝ̱ ܕ݁ܽܘ̣ܟ݂ܪܳܢܳܐ܆ ܠܥܰܒ݂ܕ݁̈ܰܝܟ݁ ܕ݁ܰܫܟ݂ܶܒ݂ܘ̱ ܥܰܠ ܣܰܒ݂ܪܳܟ݂ ܀ ܫܘܒ ܘ ܡܢ: ܫܽܘ̣ܒ݂ܚܳܐ ܠܳܟ݂ ܡܳܪܰܢ܆ ܕ݁ܫܽܘ̣ܒ݂ܚܳܟ݂ ܒ݁ܰܐܪܥܳܐ ܘܒ݂ܰܫܡܰܝ̈ܳܐ. ܘܰܡܫܰܒ݁ܚܺܝܢ ܠܰܫܡܳܟ݂܆ ܫܡܰܝ̈ܳܢܶܐ ܘܰܐܪ̈ܥܳܢܳܝܶܐ ܀ ܡܰܩܦ݂ܺܝܢ ܡܰܙܡܽܘ̇ܪܳܐ ܕ(ܩܝܓ) ܟ݁ܶܢ ܥܶܩܒ݂ܳܐ ܩܳܠܳܐ ܕ݂ܫܽܘ̣ܒ݂ܚܳܐ ܒ݂ܦ݂ܽܘ̣ܡ ܡܰܠܰܐܟ݂̈ܶܐ ܐܰܥܺܝ̣ܪܰܢܝ̱ ܡܳܪܝ̱܆ ܕ݁ܰܒ݂ܨܰܦ݂ܪܳܐ ܫܽܘ̣ܒ݂ܚܳܟ݂ ܐܶܙܡܰܪ. ܦ݁ܶܬ݂ܚܶܬ݂ ܣܶܦ݂ܘ̈ܳܬ݂ܝ̱ ܠܰܡܫܰܒ݁ܳܚܽܘ: ܟ݁ܰܕ݂ ܡ̇ܰܘܕ݁ܶܐ ܐ̱ܢܳܐ: ܡܳܪܝ̱ ܘܰܐܠܳܗܝ̱ ܪܰܚܶܡܥܠܰܝ ܀ ܣܛܳܘ ܡܶܢ ܩܰܐܠܳܘܣ ܩܽܘܪܝܶܐ ܠܶܝܣܳܘܢ ܀
ܡܢ: ܢ̣ܶܒ݂ܣܰܡ ܠܳܟ݂ ܪܺܝܚܶܗ ܕ݁ܦ݂ܺܝ̣ܪܡܰܢ: ܐܰܝܟ݂ ܦ݁ܺܝ̣ܪܡܶܗ ܕ݁ܰܐܗܪܽܘ̇ܢ. ܘܰܐܝܟ݂ ܦ݁ܺܝ̣ܪܡܳܐ ܕ݂ܩܰܪܶܒ݂ ܙܟ݂ܰܪܝܳܐ: ܒ݁ܓ݂ܰܘ ܗܰܝܟ݁ܰܠ ܩܽܘ̣ܕ݂ܫܳܐ. ܘܰܐܝܟ݂ ܨܠܽܘ̇ܬ݂ܳܐ ܕ݂ܨܰܠܺܝ ܦ݂ܺܝܢܚܶܣ. ܘܰܟ݂ܠܳܐ ܡܰܘܬ݁ܳܐ ܡܶܢ ܥܰܡܳܐ ܀
ܕ݁ܝܠܕܬ݂ ܐܠܗܐ: ܪܳܡܳܐ ܕ݂ܡܶܬ݂ܓ݁ܰܐܶܐ ܒ݁ܫܽܘ̣ܒ݂ܚܳܐ܆ ܥܰܠ ܟ݁ܽܘ̣ܪܣܝܳܐ ܪܳܡܳܐ. ܘܰܒ݂ܥܽܘ̣ܒ݁ܳܐ ܕ݂ܰܡܒ݂ܰܪܰܟ݂ܬ݁ܳܐ܆ ܫܦ݂ܰܪ ܠܶܗ ܘܶܐܙܕ݁ܰܝܰܚ. ܐܰܫܪܳܐ ܫܰܝܢܳܟ݂ ܘܰܫܠܳܡܳܟ݂܆ ܒ݁ܰܐܪܒ݁ܰܥ ܦ݁ܶܢܝ̈ܳܢ ܕ݁ܰܒ݂ܪܺܝ̣ܬ݂ܳܐ ܀
ܕ݁ܩܰܕ݁̈ܺܝ̣ܫܶܐ: ܒ݁ܰܨܠܰܘ̈ܳܬ݂ܗܽܘ̇ܢ ܡܳܪܶܐ ܟ݂݀ܽܠ܆ ܕ݁ܰܢܒ݂ܺܝ̈ܶܐ ܕ݂ܪܰܚܡܽܘ̣ܟ݂. ܘܰܒ݂ܒ݂ܳܥܘ̈ܳܬ݂ܗܽܘ̇ܢ ܕ݁ܰܫܠܺܝ̣̈ܚܶܐ܆ ܕ݁ܰܐܟ݂ܪܶܙܘ̱ ܠܰܣܒ݂ܰܪܬ݂ܳܟ݂. ܐܰܫܪܳܐ ܫܰܝܢܳܟ݂ ܘܰܫܠܳܡܳܟ݂܆ ܒ݁ܰܐܪܒ݁ܰܥ ܦ݁ܶܢ̈ܝܳܢ ܕ݁ܰܒ݂ܪܺܝ̣ܬ݂ܳܐ ܀ ܠܒ݂ܶܫܘ̱ ܚܰܝܠܳܐ ܐܰܠܳܗܳܝܳܐ܆ ܣܳܗܕ݁̈ܶܐ ܩܰܕ݁̈ܺܝ̣ܫܶܐ. ܘܰܢܚ̣ܶܬ݂ܘ̱ ܩܳܡܘ̱ ܒ݁ܶܗ ܒ݁ܰܐܓ݂ܽܘ̇ܢܳܐ܆ ܕ݁ܡܰܠܟ݁̈ܶܐ ܥܰܘ̈ܳܠܶܐ. ܬ݁ܪܰܥܘ̱ ܣܶܕ݂ܪ̈ܰܘܗ̱ܝ ܕ݁ܰܒ݂ܥܶܠܕ݁ܰܪܳܐ. ܘܰܐܥܕ݂ܺܝܽܘ ܟ݂ܠܺܝ̣̈ܠܶܐ ܕ݂ܙܳܟ݂ܽܘ̣ܬ݂ܳܐ ܀
ܒ݁ܨܰܦ݂ܪܳܐ ܨܰܠܺܝ̣ ܕ݂ܳܢܺܝܶܐܠ. ܒ݁ܓ݂ܰܘ ܓ݁ܽܘ̣ܒ݁ܳܐ ܕ݂ܰܐܪ̈ܝܰܘܳܬ݂ܳܐ. ܘܰܒ݂ܨܰܦ݂ܪܳܐ ܨܰܠܺܝ̣ ܝܰܘܢܳܢ ܒ݁ܶܐܫܬ݁ܶܗ ܕ݁ܰܬ݂ܗܽܘ̇ܡܳܐ. ܠܝܰܘܢܳܢ ܕ݁ܰܠܺܝ̣ܬ݁ ܡܶܢ ܝܰܡܳܐ. ܘܰܠܕ݂ܳܢܺܝܶܐܠ ܡܶܢ ܓ݁ܽܘ̣ܒ݁ܳܐ. ܘܠܰܢ ܦ݁ܰܨܳܐ ܠܰܢ ܡܶܢ ܒ݁ܺܝ̣ܫܳܐ ܘܶܐܬ݂ܪܰܚܰܡ ܥܠܰܝܢ ܀
[ܫܚܠܦ] ܕܬܠܬܫܥܝ̈ܢ ܕܬܪܝܢ ܒܫܒ݁ܐ
ܣܶܕ݂ܪܳܐ ܕ݂ܰܬ݂ܝܳܒ݂ܘ̣ܬ݂ܳܐ ܟ݁ܶܢ ܩܳܠܳܐ ܒܩ: ܩܽܘ̇ܩܳܝܳܐ ܐܰܒܽܘ̣ܢ ܕ݁ܒ݂ܰܫܡܰܝܳܐ ܥܢܺܝ̣ ܠܰܢ. ܕ݁ܩܳܪܶܝܢܰܢ ܠܳܟ݂. ܕ݁ܠܳܐ ܐܺܝ̣ܬ݂ ܠܰܢ ܐܰܒ݂ܳܐ ܐ̱ܚܪܺܢܳܐ. ܕ݁ܰܡܨܶܐ ܕ݂ܰܢ̣ܥܰܕ݁ܪܰܢ. ܕ݁ܟ݂ܰܕ݂ ܠܳܐ ܐܺܝ̣ܬ݂ܰܝܢ: ܫܦ݂ܰܪ ܠܳܟ݂ ܘܰܒ݂ܪܰܝܬ݁ܳܢ. ܗܳܫܳܐ ܕ݂ܰܗܘܰܝܢ: ܠܳܐ ܢ̣ܚܰܒ݁ܠܰܢ ܪܽܘ̣ܓ݂ܙܳܟ݂. ܐܰܠܶܦ݂ܰܝܢ ܡܳܪܝ̱ ܦ݁ܽܘ̣ܩܕ݁̈ܳܢܰܝܟ݁ ܕ݁ܢ̇ܶܛܰܪ ܐܶܢܽܘ̇ܢ. ܘܒ݂ܰܥܒ݂ܳܕ݂̈ܶܐ ܕ݂ܙܰܕ݁ܺܝ̣ܩܽܘ̣ܬ݂ܳܐ. ܢ̇ܶܫܦ݂ܰܪ ܠܳܟ݂ ܡܳܪܝܳܐ ܗ̄ ܒ݁ܪ̈ܰܚܡܰܝܟ݁ ܚܽܘ̣ܣ ܥܠܰܝܢ ܀ ܫܘܒ: ܛܽܘ̣ܒ݂ܰܝܗܽܘ̇ܢ ܠܥܰܒ݂ܕ݁̈ܶܐ ܛܳܒ݂̈ܶܐ. ܡܳܐ ܕ݂ܳܐܬ݂ܶܐ ܡܳܪܗܽܘ̇ܢ. ܡܶܫܟ݁ܰܚ ܠܗܽܘ̇ܢ ܟ݁ܰܕ݂ ܥܺܝ̣ܪܺܝܢ ܘܰܒ݂ܟ݂ܰܪܡܶܗ ܦ݁ܳܠܚܺܝܢ. ܐܳܣܰܪ ܚܰܨܰܘ̈ܗ̱ܝ: ܘܰܡܫܰܡܶܫ ܠܗܽܘ̇ܢ. ܕ݁ܰܠܐܺܝܽܘ ܥܰܡܶܗ: ܡܶܢ ܨܰܦ݂ܪܳܐ ܠܪܰܡܫܳܐ. ܐܰܒ݂ܳܐ ܡ̇ܰܣܡܶܟ݂ ܦ݁ܰܠܳܚ̈ܰܘܗ̱ܝ ܘܰܒ݂ܪܳܐ ܡܫ̇ܰܡܶܫ ܠܗܽܘ̇ܢ. ܪܽܘ̣ܚ ܩܽܘ̣ܕ݂ܫܳܐ ܦ݂ܰܪܩܠܺܝܛܳܐ ܟ݂ܠܺܝ̣ܠܰܝ̈ܗܽܘ̇ܢ ܓܳ݀݁ܕ݂ܠܳܐ ܗ̄ ܘܣ݀ܳܝܡܳܐ ܒ݂ܪ̈ܺܝܫܰܝܗܽܘ̇ܢ ܀ ܒܳܥܽܘ̣ܬ݂ܳܐ ܕ݂ܡܳܪܝ̱ ܝܰܥܩܽܘ̇ܒ݂ ܩܳܪܶܝܢܰܢ ܠܳܟ݂ ܡܳܪܝܳܐ ܡܳܪܰܢ ܬ݁ܳܐ ܠܥܽܘ̣ܕ݂ܪܳܢܰܢ: ܫܡܰܥ ܒ݁ܳ݀ܥܽܘ̇ܬ݂ܰܢ ܘܰܥܒ݂ܶܕ݂ ܪ̈ܰܚܡܶܐ ܥܰܠ ܢܰܦ݂ܫ̈ܳܬ݂ܰܢ ܀ ܥܢܺܝ̣ܢ ܐܰܠܳܗܳܐ ܥܢܺܝ̣ܢ ܐܰܠܳܗܳܐ ܘܪܰܚܶܡ ܥܠܰܝܢ ܀
ܘܰܐܦ݂ܢܳܐ ܠܶܒ݁ܗܽܘ̇ܢ ܕ݁ܰܒ݂ܢܰܝ̈ܢܳܫܳܐ ܠܰܬ݂ܝܳܒ݂ܽܘ̣ܬ݂ܳܐ ܀
[ܫܚܠܦ] ܕܦܠܓܗ ܕܝܘܡܐ ܕܬܪܝܢ ܒܫܒܐ
ܣܶܕ݂ܪܳܐ ܓ݂ܰܘܳܢܳܝܳܐ: ܟܶܢ ܩܳܠܳܐ ܒܩ̄: ܣܳܗܕ݁̈ܶܐ ܐܰܦ݁ܺܝܣܽܘܢܳܝܗ̱ܝ ܡܶܢ ܐܰܒ݂ܳܐ ܡܳܪܳܐ ܕ݂ܢܰܚ ܠܰܢ. ܘܡܶܢ ܒ݁ܰܪ̱ܬ݂ ܕ݁ܰܘܺܝܕ݂ ܦ݁ܳܪܽܘܩܳܐ. ܘܡܶܢ ܒ݁ܶܝܬ݂ ܠܚܶܡ ܠܰܚܡܳܐ ܕ݂ܚܰܝ̈ܶܐ. ܠܥܰܡ̱̈ܡܶܐ ܕ݂ܗܰܝܡܶܢܘ̱ ܒ݁ܶܗ. ܣܓ݂ܺܝܕ݂ ܐܰܒ݂ܳܐ ܕ݂ܫܰܕ݁ܰܪ ܠܰܒ݂ܪܶܗ. ܒ݁ܪܺܝܟ݂ܳܐ ܗ̱ܝ ܡܰܪܝܰܡ ܕ݁ܺܝܠܶܕ݂ܬ݂ܶܗ. ܘܛܽܘܒ݂ܳܐ ܠܥܺܕ̱݁ܬ݁ܳܐ ܕ݂ܩܰܒ݁ܶܠܬ݂ܶܗ. ܘܗܳܐ ܙܳܡܪܳܐ ܫܽܘܒ݂ܚܳܐ ܀ ܥܰܠ ܒ݁ܶܝܬ݂ ܠܚܶܡ ܥܳܒ݂ܰܪ ܗ̱ܘܺܝܬ݂. ܘܩܳܠܳܐ ܫܶܡܥܶܬ݂ ܒ݁ܡܥܰܪܬ݂ܳܐ. ܡܰܪܝܰܡ ܕ݁ܰܡܢܰܨܪܳܐ ܠܰܒ݂ܪܳܗ̇. ܘܗܳܟ݂ܰܢ ܐܳܡܪܳܐ ܠܶܗ. ܛܽܘܒ݂ܰܝ ܒ݁ܶܪܝ̱ ܕ݁ܰܗܘܺܝܬ݂ ܐܶܡܳܟ݂. ܛܽܘܒ݂ܰܝ ܕ݁ܰܐܝܢܶܩܬ݁ܳܟ݂ ܚܰܠܒ݂ܳܐ. ܘܶܐܢ ܪܶܡܙܳܟ݂ ܠܳܐ ܡܰܦ݁ܶܣ ܠܺܝ. ܠܳܐ ܩܳܪܒ݁ܳܢ ܨܶܐܕ݂ܰܝܟ݁ ܀ ܫ̄ܘ ܀ ܣܳܠܩܺܝܢ ܗ̱ܘܰܘ ܣܳܗܕ݁̈ܶܐ ܒ݂ܪ̈ܺܝܟ݂ܶܐ. ܠܽܐܘܪܫܠܶܡ ܗܳܝ ܕ݁ܒ݂ܰܫܡܰܝܳܐ. ܘܦ݂ܶܓ݂ܥܰܬ݂ ܒ݁ܗܽܘܢ ܪܽܘܚܳܐ ܕ݂ܩܽܘܕ݂ܫܳܐ. ܘܒ݂ܰܫܠܳܡܗܽܘܢ ܫܶܐܠܰܬ݂݀. ܬ݁ܰܘ ܒ݁ܰܫܠܳܡ ܐܰܚ̈ܰܝ ܘܰܒ݂ܢ̈ܰܝ. ܒ݁ܢܰܘ̈ܗ̱ܝ ܕ݁ܰܓ݂ܢܽܘܢܳܐ ܫܡܰܝܳܢܳܐ. ܬ݁ܰܘ ܥܽܘܠܘ̱ ܝܺܪܰܬ݂ܘ̱ ܡܰܠܟ݁ܽܘܬ݂ܳܐ. ܘܚܰܝ̈ܶܐ ܕ݂ܠܳܐ ܥܳܒ݂ܪܺܝܢ ܀ ܡܶܢܥܳܠܰܡ: ܢܶܬ݁ܕ݁ܟ݂ܰܪ ܐܶܢܽܘܢ ܠܰܐܒ݂ܳܗ̈ܰܝܢ. ܕ݁ܡܰܠܦ݂ܺܝܢ ܗ̱ܘܰܘ ܠܰܢ ܟ݁ܰܕ݂ ܚܰܝ̈ܺܝܢ. ܕ݁ܢܶܗܘܶܐ ܒ݂ܢ̈ܰܝܳܐ ܠܰܐܠܳܗܳܐ. ܒ݁ܗܳܢ ܥܳܠܡܳܐ ܕ݂ܥܳܒ݂ܰܪ. ܒ݁ܪܳܐ ܕ݂ܰܐܠܳܗܳܐ ܢܢܺܝܚ ܐܶܢܽܘܢ. ܒ݁ܗܳܝ ܡܰܠܟ݁ܽܘܬ݂ܳܐ ܕ݂ܰܫܡܰܝܳܐ. ܥܰܡ ܟ݁ܺܐܢ̈ܶܐ ܘܥܰܡ ܙܰܕ݁̈ܺܝܩܶܐ. ܒ݁ܥܳܠܡܳܐ ܕ݂ܠܳܐ ܥܳܒ݂ܰܪ ܀ ܒ݁ܳܥܽܘܬ݂ܳܐ ܕ݂ܡܳܪܝ̱ ܒ݁ܰܠܰܝ ܒ݁ܰܨܠܽܘܬ݂ ܝܳܠܶܕ݁ܬ݁ܳܟ݂. ܘܟ݂ܽܠܗܽܘܢ ܩܰܕ݁̈ܺܝܫܰܝܟ݁. ܚܰܣܳܐ ܠܰܢ ܡܳܪܰܢ. ܘܚܰܣܳܐ ܠܥܰܢܺܝܕ݂̈ܰܝܢ ܀ ܕ݁ܽܘܟ݂ܪܳܢܳܐ ܕ݂ܡܰܪܝܰܡ. ܢܶܗܘܶܐ ܠܒ݂ܽܘܪ̈ܟ݁ܳܬ݂ܰܢ. ܘܰܨܠܽܘܬ݂ܳܗ̇ ܬ݁ܶܗܘܶܐ ܫܽܘܪܳܐ ܠܢܰܦ݂ܫ̈ܳܬ݂ܰܢ ܀ ܢܒ݂ܺܝ̈ܶܐ ܘܰܫܠܺܝܚ̈ܶܐ. ܘܣܳܗܕ݁̈ܶܐ ܩܰܕ݁̈ܺܝܫܶܐ. ܐܶܬ݂ܟ݁ܰܫܰܦ݂ܘ̱ ܘܰܒ݂ܥܰܘ. ܪ̈ܰܚܡܳܐ ܚܠܳܦ݂ ܟ݁ܽܠܰܢ܀ ܛܰـܠܳܐ ܕ݂ܒ݂ܽܘܣܳܡ̈ܶܐ. ܪܽܘܣ ܡܳܪܝ̱ ܒ݁ܰܐܦ݁ܰܝ̈ܗܽܘܢ. ܕ݁ܰܐܒ݂ܳܗ̈ܰܝܢ ܘܰܐܚ̈ܰܝܢ. ܕ݁ܰܫܟ݂ܶܒܼܘ̱ ܥܰܠ ܣܰܒ݂ܪܳܟ݂ ܀ ܫܽܘܒ݂ܚܳܐ ܠܗܰܘ ܕ݁ܰܐܘܪܶܒ݂. ܕ݁ܽܘܟ݂ܪܳܢ ܝܳܠܶܕ݁ܬ݁ܶܗ. ܘܢܰܨܰܚ ܠܩܰܕ݁̈ܺܝܫܶܐ. ܘܢܰܚܶܡ ܠܥܰܢܺܝܕ݂̈ܶܐ ܀ ܒ݁ܰܨܠܽܘܬ݂ ܝܳܠܶܕ݁ܬ݁ܳܟ݂. ܘܟ݂ܽܠܗܽܘܢ ܩܰܕ݁̈ܺܝܫܰܝܟ݁ ܀ ܚܰܣܳܐ ܠܰܢ ܡܳܪܰܢ. ܘܚܰܣܳܐ ܠܥܰܢܺܝܕ݂̈ܰܝܢ܀
[ܫܚܠܦ] ܡܒܘ̈ܥܐ
- ܟܬ̥ܒܐ ܕ (ܣܘܪ̈ܝܝܐ ܒܡܪܥܝܬ̥ ܓܙܪܬܐ ܘܦܪܬ )(السريان في أبرشية الجزيرة والفرات) ܠܫܡܫܐ ܐܪܟ̥ܕܝܩܢܐ ܠܚܕܐ ܐܝܣܚܩ. (ܒܠܫܢܐ ܥܪܒܝܐ).
- ܟܬܒܐ ܕܨܠܘ̈ܬ̥ܐ ܕ ܫܒܬܐ ܫܚܝܡܬܐ ( ܫܝܚܝܡܐ ) ܡܢ ܣܝܡܐ ܕܚܣܝܐ ܡܪܝ ܐܘܓܝܢ ܦܘܠܝܩܐܪܦܘܣ ܚܣܝܐ ܕܗܘܠܢܕܐ ܡܚܣܢ ܒܐܠܗܐ.
- ܡܘܬܒܐ ܐܘܬܢܝܐ ܕ ܣܘܪ̈ܝܝܐ ܐܘܪܬܕܘܟܣܘ ܒܩܡܫܠܝ.
- ܟܪܘܟ̥ܝܐ ܕܝܠܝ ܒܗܕܐ ܡܕܝܢ̱ܬܐ ( ܡܚܣܢܬ ܒܐܠܗܐ)
