ܩܘܣܛܢܛܝܢܘܦܘܠܝܣ

ܡܢ ܘܝܩܝܦܕܝܐ، ܐܝܢܣܩܠܘܦܕܝܐ ܚܐܪܬܐ
ܟܪܛܝܣܐ ܕܩܘܣܛܢܛܝܢܘܦܘܠܝܣ ܠܚܡܐ ܥܠ ܦܢܝܬܐ ܕܦܐܬܚ ܒܐܝܣܛܢܒܘܠ ܝܘܡܢܐ

ܩܘܣܛܢܛܝܢܘܦܘܠܝܣ (ܝܘܢܐܝܬ ܥܬܝܩܐ Κωνσταντινούπολις܆ ܠܐܛܝܢܐܝܬ Constantinopolis܆ ܥܘܬܐܡܢܐܝܬ قسطنطینیه܆ ܛܘܪܩܐܝܬ Kostantiniyye) ܗܘܬ ܐܪܫܟܝܬܐ ܕܪܗܘܡܐ (ܡܢ ܫܢ̈ܝ 330 ܥܕܡܐ ܠ395) ܘܕܐܘܚܕܢܐ ܪܗܘܡܝܐ ܡܕܢܚܝܐ (ܐܘܟܝܬ ܐܘܚܕܢܐ ܒܝܙܢܛܝܐ) (ܡܢ 395ܥܕܡܐ ܠ1204 ܘܡܢ 1261ܥܕܡܐ ܠ1453) ܘܕܐܬܪܐ ܦܪܢܓܝܐ ܦܣܝܩܝܐ ܕܐܘܚܕܢܐ ܠܐܛܝܢܝܐ (ܡܢ 1204 ܥܕܡܐ ܠ1261) ܘܕܫܘܠܛܢܘܬܐ ܥܘܬܡܐܢܝܬܐ (ܡܢ 1453ܥܕܡܐ ܠ1923). ܒܬܪ ܡܢ ܫܘܬܣܐ ܕܩܘܛܢܝܘܬܐ ܛܘܪܩܝܬܐ ܐܫܬܢܝܬ ܗܘܬ ܐܪܫܟܝܬܗ̇ ܕܛܘܪܩܝܐ ܠܐܢܩܪܐ ܘܫܠܝܛܐܝܬ ܐܫܬܚܠܦܬ ܗܘܬ ܫܡܐ ܕܟܠܗ̇ ܡܕܢܝܬܐ ܠܐܝܣܛܢܒܘܠ (ܐܠܐ ܫܡܗ̇ ܕܡܕܝܢܬܐ ܒܠܫܢܐ ܝܘܢܝܐ ܥܕܟܝܠ ܢܬܩܪܐ ܩܘܢܣܛܢܛܝܢܘܦܘܠܝܣ). ܗܫܐ ܫܡܐ ܕܩܘܣܛܢܛܝܢܘܦܘܠܝܣ ܐܝܬܘܗܝ ܦܢܝܬܐ ܕܐܝܣܛܢܒܘܠ. ܢܦܠܐ ܡܕܝܢܬܐ ܫܪܫܢܝܬܐ ܒܓܒܐ ܡܥܪܒܝܐ ܐܘܪܘܦܝܐ ܘܐܝܬܝܗ̇ ܠܒܗ̇ ܕܐܝܣܛܢܒܘܠ ܝܘܡܢܐ܀

ܩܕܡ ܫܢܬ 324 ܬܬܩܪܐ ܗܘܬ ܡܕܝܢܬܐ ܒܝܙܢܛܝܘܡ ܘܐܥܒܕܗ̇ ܩܘܣܛܢܛܝܢܘܣ ܪܒܐ ܠܐܪܫܟܝܬܐ ܚܕܬܐ ܕܐܘܚܕܢܐ ܪܗܘܡܝܐ ܒܫܢܬܐ ܗܝ. ܐܫܬܡܗܬ ܗܘܬ ܡܕܝܢܬܐ ܥܠ ܩܘܣܛܢܛܝܢܘܣ (ܣܘܟܠܐ ܕܩܘܣܛܢܛܝܢܘܦܘܠܝܣ ܒܠܫܢܐ ܝܘܢܝܐ ܗܘ ܡܕܝܢܬ ܩܘܣܛܢܛܝܢܘܣ) ܘܐܬܥܗܕܬ ܗܘܬ ܒ11 ܒܐܝܪ ܒ330. ܡܢ ܡܨܥܐ ܕܕܪܐ ܕܚܡܫܐ ܥܕܡܐ ܠܕܪܐ ܕܬܠܬܥܣܪ ܒܟܝܪܝܐ ܗܘܬ ܩܘܣܛܢܛܝܢܘܦܘܠܝܣ ܡܕܝܢܬܐ ܪܒܬܐ ܘܥܬܝܪܬܐ ܒܟܠܗ̇ ܐܘܪܘܦܐ. ܐܬܛܒܒܬ ܗܘܬ ܡܕܝܢܬܐ ܗܕܐ ܠܐܡܢ̈ܝܗ̇ ܐܪ̈ܕܝܟܠܘܬܢܝܐ ܐܝܟ ܗܐܓܝܐ ܣܘܦܝܐ (ܥܘܡܪܐ ܕܥܕܬܐ ܐܘܪܬܘܕܘܟܣܝܬܐ ܡܕܢܚܝܬܐ ܕܗܘܬ ܟܘܪܣܝܐ ܕܦܛܪܝܪܟܘܬܐ ܐܘܝܩܘܡܢܝܩܝܬܐ) ܘܐܦܕܢܐ ܪܒܬܐ ܕܒܓܘܗ̇ ܢܥܡܪܘܢ ܗܘܘ ܩܣܪ̈ܘ ܘܒܘܪܓܐ ܕܓܠܐܛܐ ܐܦܕܪܡܘܣ ܛܒܝܒܐ ܘܬܪܥܐ ܕܗܒܢܝܐ ܘܐܦܕ̈ܢܐ ܪܘܪ̈ܒܬܐ ܥܘܬܪ̈ܢܝܬܐ ܕܐܟܣܕܪ̈ܐ ܘܕܫܘܩ̈ܐ. ܐܫܬܬܣ ܒܝܬ ܨܘܒܐ ܕܩܘܣܛܢܛܝܢܘܦܘܠܝܣ ܒܕܪܐ ܕܚܡܫܐ ܘܐܝܬ ܗܘܘ ܒܗ ܣܘܓܐܐ ܕܣܝ̈ܡܬܐ ܕܐܡܢ̈ܐ ܘܕܟܬܒ̈ܐ ܩܕܡ ܐܙܕܟܝܬ ܗܘܬ ܒܫܢܬ 1204 ܘܬܘܒ ܒ1453 ܐܝܟ ܒܒܝܬ ܐܪ̈ܟܐ ܟܒܝܪܐ ܕܝܠܗ̇ ܕܐܝܬ ܗܘܘ ܒܗ ܨܚܚ̈ܐ ܡܢ ܒܝܬ ܐܪ̈ܟܐ ܕܐܠܟܣܢܕܪܝܐ ܘܝܬܝܪ ܡܢ ܥܣܪܐ ܪ̈ܒܘܢ ܡܓ̈ܠܝܢ ܕܟܬܒ̈ܐ ܥܬܝܩ̈ܐ. ܩܘܣܛܢܛܝܢܘܦܘܠܝܣ ܗܘܬ ܪܘܪܒܐܝܬ ܐܢܢܩܝܬܐ ܥܠ ܦܪܣܐ ܕܡܫܝܚܝܘܬܐ ܒܥܕ̈ܢܐ ܕܪܘܗܡܐ ܘܕܒܝܙܢܛܝܘܡ ܒܛܘܦܣܐ ܕܒܝܬܐ ܕܦܛܪܝܪܟܘܬܐ ܐܘܝܩܘܡܢܝܩܝܬܐ ܕܩܘܣܛܢܛܝܢܘܦܘܠܝܣ ܘܒܛܘܦܣܐ ܕܢܛܘܪܬܐ ܕܫܪ̈ܟܢܐ ܩܕ̈ܝܫܐ ܕܡܫܝܚܝܘܬܐ ܐܝܟ ܟܠܝܠܐ ܕܟܘܒ̈ܐ ܘܐܝܟ ܨܠܝܒܐ ܬܪܝܨܐ܀